Ang Love Story Ni Lolo at Ni Lola

Isa sa GREATEST LOVE STORY na naikwento sa akin. Hindi ko alam kung dahil ba sa love story ito ng lolo't lola ko, or talagang nakakakilig siya. Grabe! Nakakakilig naman kasi siya talaga!

It all began noong 1956. Si Andrea, Del kung tawagin ng karamihan (ang aking lola), heartthrob ng Nasugbu. Panganay na anak nina Bernardo at Victoria. Palaging MUSE ng paaralan at ng bayan, dahil sa angking ganda (maraming nagsasabi na ako raw ang nakamana ng kagandahan niya --- wish ko lang totoo!) Maraming mga binata ang nabibighani sa kanya, dahil hindi lang siya maganda, kungdi matalino at mabait pa. Ang sabi ng marami, pila pila ang kanyang mga manliligaw. Iba ang pila sa mantutula, sa aakyat ng ligaw at sa maghaharana. Minsan daw, kapag nag oover time ang isang manliligaw, yung iba na nag aantay sa labas binabato na ang kanilang slippers para iparamdam sa nasa loob na "HELLO! BUMABA KA NA! MARAMI PANG NAKAPILA DITO!"

Kadalasan inaabot na ng dawn ang panliligaw kay Dely. Kung kaya't ang kanyang mga magulang ay nagitimpla na ng kape sa kaldero. Hindi po ito exag, kwento sa akin ito ng mga kapatid niya na mga witness ng mga panahon na iyon. Kung minsan daw, sa dami ng manliligaw ni Dely ay nagpapasama ito sa kanyang mga girlfriends sa sakayang ng tricycle. Kasi naman, ang mamacho daw ng kanyang manliligaw, ang laki daw ng body!

Si Juanito naman, Itoy kung tawaging ng kanyang mga kaibigan ay isang contract worker, pabalik balik siya sa Guam. Umalis siya sa probinsya ng Nasugbu upang hanapin ang kanyang asenso sa Maynila, dahil noong panahong iyon, pagkatapos ng grade 6 ay nakukuntento na ang mga ama na ituro ang pamamalakad ng bukid sa anak na lalake. Ngunit para kay Itoy, mayroon pa siyang pwedeng gawin bukod sa pagiging magsasaka. Gusto niya makapag-aral at makatapos, magkaroon ng magandang buhay na pwedeng ialay sa kanyang magiging may bahay at mga anak.

Nakisali siya sa construction sa Maynila, kung kaya't ang ibang lumang building sa Maynila isa si Itoy sa mga gumawa non. Dumaan ang ilang taon, naging worth it lahat ng pagod niya. Napansin ng kanyang boss na "ABA! MASIPAG KA! SAMA KA SA AKIN SA GUAM, GAGAWIN KITANG ASSISTANT."

Doon nagsimula ang pakikipagsapalaran ni Juanito sa isla ng Guam. Noong panahong iyon, hindi uso ang passport, ang visa o ang greencard. Papel lang na nagsasabing "Pare, ang may hawak ng papel na ito, trabahado ng company na based sa Guam. Papasukin mo siya!" Ganoon lang kasimple noon.

Anyways, itong si Juanito, all work no play! Napansin ng kanyang mga friendship na MUKHANG TIME NANG MAGKA-GF SI ITOY. So bilang isang matalik na kaibigan na walang intensyon kungdi ang makatulong, binigyan nila si Itoy ng penpal, at ang pangalan niya ay si Dely.

***Iisa lang po ang kinalakihan nilang probinsya. Sigurado nagtataka kayo kung bakit hindi sila magkakilala. Kasi, si Dely nung panahong ito ay 16 years old lamang, samantala si Itoy ay 23 years old na.

So ayun, magpenpal na sila. Every month si Dely may bagong magazine na galing Guam. Doon finifeature ang Latest Style and Accessories. Shempre si Dely in na in non, kasi siya lang ang may ganun. Matapos ang ilang buwan ng pag eexchange ng sulat, nag expire ang contract ni Itoy, kinailangan niyang magrenew. So umuwi siya ng Pilipinas, at sa Nasugbu nakilala rin niya ang penpal niya.

Ang mga manliligaw ni Del, nagtataka "Sino ba itong magandang lalakeng ito na palibot libot kay Del! Ngayon lang siya sumulpot ah!" Eh wala, hindi sila type eh, mga aggressive yata.

Dumating na ang bagong contract ni Itoy papuntang Guam. Shempre, kailangan niyang bumalik, upang kumita ng money at mag-ipon. Pero, may pumigil sa kanya, ang kanyang puso. Mahal na mahal niya si Del. Inisip niya "sa dami ng kanyang manliligaw, baka mawala sa akin ang pagkakataong ito!"

Umuwi si Itoy sa kanilang bukid, kinausap ang kanyang mga magulang at kinabukasan, madaling araw palang buong mag-anak silang pumunta sa bahay ni Dely upang mamanhikan, kasama ang mga friends and family na may bitbit na palayok at sandok para doon magluluto sa bakuran nina Del.

Nagulat si Del. "Its so unexpected." Iyak ng iyak si Victoria, kasi ang kanyang panganay, hinihingi na ng binatang ito. Galit na galit si Bernardo kasi naman, ang bilis naman nitong si Itoy.

Pero, dahil siguro sa nakita nilang sincerity nitong si Itoy ay ipinakasal sila sa pinaka madaling panahon. 16 Years old lang si Dely non, at si Juanito ay 23 years old.

Sa sipag nila, marami silang naitayo na negosyo na ngayon ay lumago na bilang isang korporasyon. Sa kanila nabuhay ang kompanyang Johndel. Pinamana nila ang kanilang sipag at talino sa kanilang mga anak. Kung kaya't patuloy ang paglaki ng kanilang pamilya at ang kanilang mga negosyo na nagsimula sa isang matibay na pundasyon.

Nakakasuspense diba at nakakakilig, higit sa lahat nakakainspire. Pang Maalaala Mo Kaya ang story.

At present, wala na si Del, nasa piling na siya ng Panginoon. At si Itoy, patuloy na nabubuhay dala dala ang alaala ni Del.


--- In Memory of my Loving Lola.